Galdamesek emakumeen garapen pertsonala sustatzeko programa abian jarri du

Galdameseko Udalak, Berdintasun Sailaren bitartez, hainbat saiotako programa abian jarri du emakumeen garapen pertsonalerako, “Nork bere burua zaintzeko eta ezagutzeko tresnak” izenburupean. 

Guztira, lau tailer eskainiko dira, larunbatetan, maiatzera arte, Eguzkiñe Arostegi psikologo eta terapeutaren eskutik. Lehenengo tailerra “Emozio adimendunak: emozioak ezagutzea, zoriontasuna lortzeko aldaketa” izango da, eta bertan izena emateko epea irekita dago jada. Otsailaren 11n izango da, eta emozioak identifikatzen ikastea eta horiek adieraztea izango du ardatz, gure ongizaterako eta gure harremanak hobetzeko. 

Martxoaren 18an egingo da bigarren tailerra, “Sinesmen mugatzaileak: autoestimua eta autokontzeptua”. Tailer honetan, haurtzaroan gauzak eta mundua nolakoak ziren azaldu ziguten moduari buruzko mezuak eta iritziak landuko dira. Mezu horiek zalantzan jarriko dira, birformulatu eta sinesmen mugatzailea osatzeko. 

Ondoren, apirilaren 29an, familia-sistemaren garrantziari buruzko Saioa emango da, “Maitasunaren ordenak” izenburupean. Kasu honetan, inkontzienteki barneratzen ditugun eta gure jokabidea baldintzatzen duten familiako rol, patroi eta dinamikak landuko dira. 

Azkenik, programa amaitzeko, komunikazioari eta asertibotasunari buruzko tailerra eskainiko da maiatzaren 20an. Bertan, gure komunikazio-estilo nagusia zein den ikasiko da, baita haren zeregina eta gorputz-adierazpena ere. 

Tailer guztiak larunbatean egingo dira, goizeko 10:00etatik 14:00etara, udaletxeko osoko bilkuren aretoan. Jantzi erosoekin joatea komeni da, eta lehenbailehen izena ematea; izan ere, izena emateko epea bihar, otsailak 7, amaituko da. Plazak mugatuak dira eta Galdamesen erroldatutakoek izango dute lehentasuna. Izena emateko, inprimaki hau bete beharko da: https://forms.gle/58zfSBM4ChDAjSqDA 

Nork bere burua zaintzeko eta ezagutzeko tresnei buruzko programa hau Galdamesko Udalak martxoaren 8rako antolatutako programazioarekin bat egingo du. Martxoaren 10ean helduentzako antzerki-ikuskizuna izango da,  martxoaren 11n, berriz, haurrentzako beste bat, eta martxoaren 25ean mindfulness tailerra antolatuko da.

Galdameseko Udalaren logoa.

Categoría: Galdames