Pandemia dela eta, hiru urte Errege Magoen desfilerik gabe izan ondoren, Montellano auzora itzuliko dira aurten, urtarrilaren 5ean, Galdameseko ume guztien nahiak entzuteko eta gutunak jasotzeko.
Galdameseko Udalaren babesaz, Gurguxa Kultura Elkartearen kideak izango dira arratsalde horretarako jarduerak antolatu eta programatuko dituztenak.
Desfile xumea izango da, mundu guztiarentzako jarduerez beteta. Arratsaldeko 17:30ean hasiko da, Errege Magoen eta pajeen jaitsierarekin, Las Casasen hasi eta Santa Maria elizaren arkupean amaituz. Bertan jaiotza biziduna egongo da haien zain, eta Gurguxa Kultura Elkarteak harrera laburra egingo du.
Ondoren, 18:00ak aldera, bertaratutako haur guztiek lasai-lasai hitz egin ahalko dute Errege Mago gustukoenarekin, eta oparitxoa jasoko dute. Bitartean, kultura elkarteak txoripanak eta gaztaina erreak banatuko ditu.
Arratsaldeko 19:00etan Montellano tabernaren terrazan minidiskoa egongo da txikientzat, 21:00etan luntx herrikoia eta 22:30ean DJ LAKAren emanaldia. Festa goizaldean amaituko da eta errege-opila banatuko da.
0 comentarios :
Publicar un comentario
Gracias por enviarnos tus comentarios. Si cumplen con nuestras normas se publicarán en nuestro blog.