Muskizko Udalak semaforo radarrak instalatu ditu herriko erdiguneko bidegurutzean

Muskizko Udalak zaintza-radarrak jarri ditu udalerriaren erdigunean dagoen bidegurutzean, N-634 errepidea Geltoki kalearekin eta Antonio Trueba etorbidearekin elkartzen dituen puntuan. Arau-hauste larrien ondorioz eta oinezkoak babesteko helburuz instalatu dira.

Azken hilabeteetan, udaltzainek hainbat ibilgailu-gidari aurkitu dituzte zeinek, semaforoa gorriz pasatzeaz gain, ibilgailu bat edo gehiago semaforoan geldirik daudenean ezkerretik aurreratzen dituzte, kontrako errailera igaroz abiadura bizian, oinezkoak eta gainerako ibilgailuak arriskuan jarriz. Jarduera honi buruzko kexak izan dira eta egiaztatu ahal izan dira udalerrian dauden zaintza-kameren bidez.

Hori guztiagatik, eta istripu larriagorik gerta ez dadin, semaforo-radarrak ipini dira (“argazki-gorri” izeneko sistema). Helburu bakarra da oinezkoak eta ibilgailu ahulenak babestea; izan ere, semaforoa gorriz igarotzen duten ibilgailuek automatikoki antzematen ditu eta zigorra ezartzen zaie. Gidariek jakin dezaten, panelak jarri dituzte bertatik gertu, semaforo radarraren berri emateko.

Semaforo radarren berri emateko panela

Categoría: Muskiz