Ibilketa nordikoko hastapen‐tailerrak eta ibilaldiak, Burdinmendi Bide Berdean

Enkarterrialde Landa Garapeneko Elkarteak, Abanto-Zierbena, Muskiz, Zierbena, Artzentales, Galdames eta Sopuertako udalekin batera, ibilketa nordikoko hastapen‐tailerrak eta ibilaldiak antolatuko ditu, ekainetik urrira bitartean, Burdinmendi Bide Berdean. 

Guztira,  sei  tailer  egingo  dira,  meategien  trenbidearen  ibilbidea zeharkatzen duen  herri bakoitzean  bat.  Horrela,  ekainaren  19an  Artzentalesen  hasiko  da lehen tailerra, Traslaviñako  frontoian, eta ekainaren  26an  Galdamesen,  Bide  Berdeko  Informazio  Zentroaren  ondoan. Irailaren  18an  Sopuertan  izango  da,  Santa  Anako  frontoian,  eta  25ean  Muskizen,  udal pilotalekuan. Urrian, hilaren 2an,  Abanto-Zierbenan  antolatuko da, Sanfuentesko  frontoian, eta  azkena Zierbenan garatuko da, urriaren 23an, La Arena hondartzako turismo bulegoaren ondoan.

Jardueran zehar partaideei makilak banatuko zaizkie, hastapen‐tailerra egingo da, eta 6 kilometro inguruko joan‐etorriko ibilaldia egingo da, saio praktiko gisa. Gero, luzatze‐ariketa  batzuk egingo  dira, eta, amaitu baino lehen,  zalantzen eta galderen  txanda  izango  da.  Tailerraren  arabera,  ibilbideak  desberdinak  izango  dira, baina guztiak Bide Berdetik igaroko dira. 

Tailerrak  egiteko  gomendatzen  da  arropa  eta  oinetako  erosoak  janztea,  baita ur‐botila eramatea ere.  

Kontuan  izan  behar  da,  gainera,  tailerrak  18  urtetik  gorako  pertsonei  zuzendutakoak direla. Lekuak mugatuak  dira eta  prezioa  4 eurokoa  izango da. Izena emateko  BURDINMENDI BIDE BERDEA APPAren bidez egin beharko da. 

Ibilketa nordikoko hastapen‐tailerraren osteko ibilaldia. 

Argazkia: Enkarterrialde.

Categoría: Abanto-Zierbena , Artzentales , Galdames , Muskiz , Sopuerta , Zierbena