Muskizko haurrentzako udalekuak bueltan dira

Muskizko Udalak udalekuen edizio berria antolatuko du, ekainaren 30etik uztailaren 16ra, 10:00etatik 14:00etara, Ikastolaren instalazioetan. Herrian erroldatuta dauden eta 2009. eta 2016. urteen artean jaio diren haurrentzat izango dira. Gainera, aurreko urteetan bezala, haurtzaindegi- eta jantoki-zerbitzua ere emango da.

Udalekuetan izena emateko www.muskizcolonias.blogspot.com helbidean sartu beharko da, edo banatuko den triptikoa beteta entregatu, ekainaren 11n baino lehen, egun gori barne. Izena emateko orria behar bezala beteta entregatzeaz gainera, Osakidetzako txartelaren kopia eta matrikularen zenbatekoa ordaindu izanaren ziurtagiriaren kopia eman beharko dira. Gero, ekainaren 28an, 18:30ean, bilera egingo da Meatzari Aretoan, interesa duten pertsona guztiei udalekuak aurkezteko.

Hiriko udalekuen prezioa 71,20 eurokoa izango da parte-hartzaile bakoitzeko. Dena den, beherapenak egongo dira seme-alaba bat baino gehiago matrikulatzen dituzten familientzat: bi badira, izen-ematearen zenbatekoa 50,80 eurokoa izango da bakoitzarentzat; eta hiru badira, 40,60 eurokoa bakoitzarentzat. DSBEren onuradunen kasuan, matrikula 35,60 eurokoa izango da haur bakoitzeko; bi anai-arreba badira 25,50 eurokoa; eta hiru badira, 20,30 eurokoa. Haurtzaindegiak 20 euroko prezioa izango du 08:00etatik aurrera, eta 10 eurokoa 09:00etatik aurrera. Jantokiaren prezioa 71,50 euro izango dira, 14:00etatik 15:00etara.

Udalekuetan haurrek askotariko kirol-jarduerak, tailerrak, jolasak, eta abar egingo dituzte, betiere Covid-19a dela-eta hartu beharreko indarreko neurriak betez eta kontutan izanda Udalak aldaketak ezar ditzakela egoeraren ondorioz.

Guztira, 110 haurrek eman dezakete izena eta, kopuru hori gainditzen bada, zozketa egingo da ekainaren 16an Gaztegunean. Nolanahi ere, Udalak ahalegina egingo du interesdun guztiek parte hartzeko aukera izan dezaten. Bestalde, Udalak udaleku teknologikoak ere jarri ditu abian udalerriko gazteentzat. Uztailaren 5etik 9ra bitartean izango dira, 10:30etik 13:30era, Gaztegunean. 2005. eta 2009. urteen artean jaiotako gazteei zuzendutako udaleku horietan tailer ludikoak egingo dira, errealitate birtualari, programazioari, bideo-jokoei eta robotikari buruzkoak. Interesdunek ekainaren 11 baino lehen eman behar dute izena, eta prezioa 35 eurokoa izango da. Egungo egoera eta ezarritako neurriak direla eta, plazak mugatuak izango dira eta udalerriko herritarrek lehentasuna izango dute. Informazio gehiago nahi izanez gero, deitu 946708037 telefono-zenbakira edo idatzi gaztebulegoa@muskiz.com helbide elektronikora.

Udalekuen triptikoaren portada.

Categoría: Olaia Saralegi