Langabezia da, beste behin, bizkaitarren kezka nagusia

Neurbi azterlana bizkaitarrek lurraldeari buruz zer iritzi duten jakiteko egiten da, eta horren baitan elkarrizketa egin zaien bizkaitarren artean, hamarretik seik adierazi dute euren kezka nagusia langabezia dela; 2017an, berriz, hamarretik zazpik izan zuten iritzi hori. Hala ere, gaur egun, handiagoa da Bizkaiko egoera ekonomikoan dagoen konfiantza: elkarrizketatuen %42,8ren ustez egoera ekonomikoak hobera egin du: 2017an hala pentsatzen zutenek baino %5,5 gehiagok hala irizten diote. Bizkaiko egungo egoera ekonomikoak 6,10 puntu jaso ditu 10 puntutik. Eta Bizkaian gaur egungo enpleguaren egoerari buruzko balorazioa hobea da iazkoaren aldean; hain zuzen, 5,6 puntu jaso ditu (10 punturen gainean), batez beste.
Bizkaiaren etorkizun ekonomikoa begi onez ikusten da. Gainera, elkarrizketatuen %45,9ren aburuz, egoera hobea izango da datorren urtean. %11,4k bakarrik uste dute okerrera egingo duela. Ia erdiek pentsatzen dute enplegua lortzeko aukera gehiago egongo dela; hamarretik batek baino ez du uste enplegu-tasak txarrera egingo duela.
Bizkaitarren kezken mapa beste arlo hauek osatzen dute: immigrazioa (%10,4), segurtasun eza eta delinkuentzia (%8,1), etxebizitza (%5,1), pentsioak (%4,8), gizarte-zerbitzuak urriak diren ustea (%4,3), desberdintasun soziala eta pobrezia (%2,9), soldata duinak eta kalitatezkoak izango ote diren-eta sortutako kezka (%2,6) eta krisialdi ekonomikoa (%2,5)
Herritarrek Bizkaiko Foru Aldundiari buruz egiten duten balorazioa islatzen da azterlanean. Hamar elkarrizketatutik zazpik kudeaketa ona edo oso ona dela diote. Ondorioz, bizkaitarrek 7 puntuko kalifikazioa eman diote arlo horri. %22,5en iritziz kudeaketa halamoduzkoa da, eta %3,7k txarra (%2,6) edo oso txarra (%1,1) dela uste dute. Bizkaitarrek Aldundiaren kudeaketan duten konfiantzak 6,83ko batezbestekoa lortu du.
Aldundiak betetzen dituen eginkizunei buruz ere galdetu zaie bizkaitarrei: gizarte-ekintzaren eta gizarte-zerbitzuen eremua oraindik ere lehentasunezkoa da elkarrizketatuen %20,7ren esanetan; haren ondoren, sustapen ekonomikoari eta enpleguari lotutako alderdiak daude — ekonomiaren eta enpleguaren sustapena, garapen ekonomikoa, industria-sektorearentzako laguntzak eta Bizkaiaren irudia bultzatzea—. Alderdiok, batuta, %16,4k aipatu dituzte. Aurten, nabarmendu beharrekoak dira Espainiako 2018ko Itzuliaren etapa, San Mamesen egindako errugbi finalak eta MTV musika-sariak. Hiru ekitaldi horien berri izan dute elkarrizketatutako bizkaitarren %70ek, eta haiei buruzko balorazioak zazpitik gorakoak dira.

Aldundiaren lan soziala da herritarrek gehien aipatu eta onesten dutenetakoa.

Categoría: Joseba Arruti