Muskiz, San Julianeko jaietarako prest

Muskiz San Julianeko jaietarako prest dago. Ostiral eta larunbat honetan izango dira (urtarrilak 12 eta 13), eta primeran pasatzeko programa ekartzen dute. 

Ostiralean, urtarrilak 12, 18:30etan jaiei hasiera emango zaie kalejirarekin. Musikaren erritmora kultura etxetik irtengo da eta partaide guztiek mozorrotuta agertzea eskertuko da. Jarraian, 19:30etan, txupinazoa eta ondoren txorizo zein odoloste dastamena izango da. Arratsaldeko 20:00etan “Mujeres oh yea” antzerki lana ikusi ahal izango da eta gauean, 21:00etatik aurrera, Arrieta Banda joko du, baita Pota Preventiva eta The Bombermans taldeek ere. 

Larunbatean, eguerdiko 12:30etan, igel, dardo eta herri kirol txapelketak antolatuko dira. 14:00etan indaba dastamena eta ondoren Belaxeren musikaz gozatzeko aukera izango da. Arratsaldean, 17:00ak aldera, mus txapelketa prestatuko da eta 19:30an Olaia Abad dantzariak Zumba masterclassa eskainiko du. Jarraian, indarrak berreskuratzeko, txokolatea banatuko da. Gauean, 21:00etan, nahi duenak bere ahotsaren kalitatea erakutsi ahal izango du karaokean eta 22:00etan Ke parezka un akzidente, Bai Gutxiago eta Bassetxe Sound Collective taldeen musikaz, agur esango zaie jaiei. 

Categoría: Olaia Saralegi