Putxeta eta Kotorrioko jaiak, Abanton

Datorren asteburu honetan Abantoko Putxeta eta Kotorrio auzoek San Jose Jaiak izango dituzte, pertsona guztientzako eta ekintzaz betetako programaz. 

Ostiralean, martxoak 18, jaiei hasiera emango zaie, 18:00etan, txupinazoaz. Ondoren txorizo eta odoloste parrilada antolatuko da. 

Hurrengo egunean, 19an, larunbata, goizeko 9:00an hasiko da festa Putxeta Tiro Txapelketaz, "El Calero" zelaian. Jarraian zaldi irteera antolatuko da eta ondoren kalejira txistuaren musikaren erritmora. 11:30etan VIII. San Jose Tiragoma Lehiaketa izango da eta arratsaldean, 17:00etatik aurrera, aizkolari eta herri kirolen erakustaldia. 18:30etan merienda, hirugihar, txorizo eta odoloste parriladaz eta gauean, 23:00etan, Paco DJ-ak bertaratutako guztiak dantzatzen jarriko ditu.

Igandean, martxoak 20, 10:30etatik 13:00etara, ate irekien jardunaldia izango da arku-tiroko zelaian, eta parrilada antolatuko da. Goizeko eguerdian kalejira eta euskal dantzak izango dira, jendea animatzeko. Arratsaldean, 18:00etan, haurrentzako erromeria izango da Raspu Espectaculosen eskutik. Ondoren Rap Bataila eta berriro ere parrilada prestatuko da. Gaueko 21:00etan jaiei agur esango zaie.

Putxeta eta Kotorrioko jaiak, Abanton.

Categoría: Olaia Saralegi