Zierbena La Arenako jaietarako prest

Zierbenak La Arenako jaiak ospatuko ditu datorren uztailaren 30etik abuztuaren 2ra bitartean, ekintzez betetako programarekin. 

Datorren uztailaren 30ean, osteguna, txupinazoa jaiei hasiera emango die arratsaldeko 17:00etan. Ondoren, 18:00etan, esku-pilota erakustaldia antolatuko da, ordu bat beranduago Maloka pala-txapelketaren finala, 20:00etan saiheski-jana eta gauean, hamarretan, “Red hot chilly pepers: the groovy peppers” taldearen tributua (El Cargadero txikin). Beranduago Tea Party DJaren musikaz gozatzeko aukera izango da. 

Ostiralean jaieguna 11:00etan hasiko da Euskadiko Katxete-bola txapelketarekin. Eguerdian doako Surf ikastaroa emango da hondartzan, goizez eta arratsaldez. 12:00etan ere Inazio Deuna-ren omenezko meza izango da, 13:30etan euskal dantzak, arratsaldez, 18:30etan, “Zumba beach” maratoia, eta ondoren, indarrak berreskuratzeko, txorizo eta odolki-jana. Gauez, musika akustikoaz gozatzeko aukera izango da “Amaia, Josu eta Borja” eta Rocka Naficovers taldeen eskutik. 

Abuztuak 1, larunbata, txikientzako haur-parkea antolatuko da eguerdian, baita arratsaldean ere, apar-festarekin batera. 14:00etan hasiera emango zaio paella txapelketari, 17:00etan snowboard erakustaldia izango da, eta mendizaleek Peñoira igoko dira 18:00etan. Gaua musikaz eta espektakuluz beteta etorriko da: Rock jaialdia, su-espektakulua, Deabru Beltzen antzerkia, Toni Rodriguezen monologoa eta “Platero y tu” taldeari tributua. 

Abuztuak 2 azkeneko jaieguna izango da La Arenan, hala ere, hainbat ekintza prestatuko dira: 13:00etan trial eta freestyle erakustaldiaz gozatzeko aukera izango da, arratsaldean poneyak eta zekorrak ikusi ahal izango dira, baita kubatar dantzekin gozatu. Ondoren, 20:00etan sardina-jana egongo da eta 21:00etan herri-txokolatada. 

Ekintza guzti hauez gainera, jaietan zehar 6. tokiko surf-txapelketa antolatuko da eta mus-txapelketa, La Arena aparta-hotelean. 

La Arena hondartza.

Categoría: Muskiz , Muskizberri , Olaia Saralegi , Zierbena