viernes, 12 de junio de 2015

Zierbenak gazteentzako hainbat kirol ekintza antolatuko ditu ekainean zehar


Zierbenako Udalak gazteentzako hainbat kirol ekintza antolatuko ditu ekainaren 18tik 30era. 

Datorren ostegunean, ekainak 18, arratsaldeko 19:00etan, Oihana Kortazar mendi-korrikalariak hitzaldia eskainiko du Zierbenako Kultura Etxean.

Ondoren, ekainaren 22tik 26ra urpekaritza astea izango da, 8-16 urte bitarteko gazteentzako. Astelehenean Zierbenako portuko erabilera anitzerako eraikinean izango da ikastaroa,  asteartean Muskizko Polikiroldegiko igerilekuan eta asteazkenean, ostegunean zein ostiralean Zierbenako hondartzan eta portuan. Ordutegia goizeko 11:00etatik 13:00etara izango da.

Urpean igeri egiten ikasi nahi duenak izena eman beharko du ekainaren 17a baino lehen eta 5 euroko fidantza ordaindu. Gehienez 20 laguneko taldea osatuko da.

Horrez gainera, ekainaren 29 eta 30ean Ibai Perez pilotari profesionalak esku pilota eta pala tailerra eskainiko die, goizeko 11:00etatik 13:00etara, 8-15 urteko gazteei. 

Izena emateko azken eguna ekainaren 24a, asteazkena, izango da, hemen ere 5 euroko fidantza ordainduz. Gehienez 15 laguneko taldea eratuko da. 

Informazio gehiago 946 36 60 07 telefonoan.

 
Zierbenak gazteentzako hainbat kirol ekintza antolatuko ditu ekainean zehar
Zierbenak gazteentzako hainbat kirol ekintza antolatuko ditu ekainean zehar.

0 comentarios :

Publicar un comentario

Gracias por enviarnos tus comentarios. Si cumplen con nuestras normas se publicarán en nuestro blog.

 
prestashop themes