Egun hauetan,
errefindegiko Konbertsio alorrean bukatzen ari garen etenaldi dela eta, hainbat
dorre eta ontzietatik ur-lurrin zuria irteten ikusteko aukera izan da. Lurrina
ur-baporea da eta bero dagoen ontzietatik kanpora irtetean hozten denean,
ur-tanta mikroskopikoek kolore zuri ezaguna ematen diote.
Baina zertarako erabiltzen da lurrina errefindegi
batean? Zertarako ez, erantzun genezake, hainbat baitira lurrinaren
betebeharrak.
Egun hauetan
ikusten ari garen arabera, ur-lurrina hodi, ontzi, dorre eta abarren, barrutik
airea ateratzeko erabiltzen da. Horrela, etenaldian zabaldu diren ontzietan
sartutako airea kendu ondoren, berriro hidrokarburoak (petrolioa eta bere
osagarriak) sartu ahal izango dira era seguruan.
Baina lurrina
alderantziz ere erabiltzen da, hau da, hodi edo ontzi bateko hidrokarburoak kanporatu
eta ontzi horiek inerteak bihurtu.
Are gehiago,
lurrinak metatua duen energia aprobetxatzen da, energia mekanikora pasatuz,
turbinetan alegia. Bestalde, lurrinaren beroa ere aprobetxatzen da prozesua
berotzeko (irakigailuetan) edo gutxienez bero mantentzeko (hodiak kanpotik
berotuz).
Azkenik, lurrina
prozesuan bertan ere funtsezkoa da. Hidrokarburoekin nahastuz, hauen presio
partziala gutxitzeko erabiltzen da, molekula arinenak lurrintzen lagunduz. Hau
da, lurrinak hidrokarburoei “hegan” egiten laguntzen die.
Lurrinik gabe ezingo
luke errefindegi batek lanean jardun.
0 comentarios :
Publicar un comentario
Gracias por enviarnos tus comentarios. Si cumplen con nuestras normas se publicarán en nuestro blog.