“Gure seme-alabak hezten ikasi dezakegu, era positibo batean eta estresik gabe”, honela deitzen da Muskizko Udalak antolatu duen tailerraren izena, 18 urte-arteko semeak dituzten gurasoentzat, baita hezitzaileentzat ere zuzendua. Ikastaroa otsailaren 26an hasiko da eta martxoaren 5, 12 eta 26an, eta apirilaren 16 eta 23an izango da, 15:15etik 16:45era, Gaztegunean.
Tailerrak -Jose Morgado Nisa, Soziologoa, terapeuta, hezitzailea eta Coach profesionalak gidatua- lasaitasunez, era positibo batean eta tratu onen bidez seme-alabak hezten irakastea du helburu, oihuak, irainak, mehatxuak, umilazioak, ipurdikoak eta belarrondoak alde batera utzita.
Gurasotasun positiboak 3 oinarri ditu: ezagutzea, babestea eta hitz egitea. Hiru irizpide horiek jarraituz honako gaiak jorratuko ditu ikastaroak:
• Heztea arte bat da eta ikasi egiten da.
• Era positiboan heztea: gehiago jakin, hobeto hezteko.
• Garai digitala hemen dago: zer egin, guraso gisa, tabletekin, mugikorrekin, Internetekin…
• Familia harreman kutsagarriak: nola antzeman, zeintzuk dira eta zer egin.
• Nola kudeatu estresa: gurasoentzako aholkuak.
• Seme-alabak heztea berdintasunean, genero errespetuan.
Parte hartu nahi baduzu, izena eman ezazu, otsailaren 23a baino lehen, eiseirune@muskiz.com posta elektronikoan edo 946552873 (Irune) telefonoan.
 |
| Muskizko Gaztegunea. |
0 comentarios :
Publicar un comentario
Gracias por enviarnos tus comentarios. Si cumplen con nuestras normas se publicarán en nuestro blog.